عشـــــقین کی قرارینــــدا وفا اولمیاجاقمیــــش

اولدوز سایاراق گوزله میشَـــــم هر گئجه یاری
گج گلمه ده دیــــر یار یئنه اولموش گئجه یاری
گؤزلر آسیلی یوخ نه قارالتی نه ده بیــــر سس
باتمیش گولاغیم گؤرنه دؤشور مکده دی داری
بیر قوش آییغام! سویلیه رَک  گاهدان اییــلده ر
گاهدان اونودا یئل دئیـــه لای-لای هوش آپـاری
یاتمیش هامی بیـــر آللاه اویاقدیر داها بیــر من
مندن آشاغی کیمسـۀ یوخ اونّـــــدان دا یوخاری
قورخوم بودی یار گلمه یه، بیـردن یاریلا صبح
باغریم یاریلار ،صُبــــــــحوم آچیلما سنی تاری!
دان اولدوزی ایسته ر چیخا گؤز یالواری چیخما
او چیخماســــــادا اولدوزومون یوخدی چیخاری
گلمز تانیرام بختیــــمی اینــــدی آغـــارار صبح
قاش بیله آغـــاردیقجـــــا داها باش دا آغـــاری
عشـــــقین کی قرارینــــدا وفا اولمیاجاقمیــــش
بیلمم کی طبیــــعت نیه قویمــوش بُـو قَـــــراری؟
سانکی خوروزون سون بانی خنجردی سوخولدی
ســــینه مده أورک وارســــا کسیب قیردی داماری
ریشخنـــدِله قیــــرجاندی سحر سویله دی: دورما
جان قورخوسی وار عشقین اوتوزدون بو قماری
اولدوم قره گون آیریلانی او ســــــاری تئـــــــلدن
بونجا قره گونلردی اِیــــدن رنگیــــمی ســــــاری
گؤز یاشــــلاری هر یئردن آخارســــا منی توشلار
دریایَــه باخـار بَـلِّـلی دی چایــــــــلارین آخــــاری
از بس منی یاپـــراق کیــــمی هیجرانلا سارالدیب
باخسان اوزونه سانکی قیـــــزیل گولدی قیزاری
محراب شفــقـــده ئوزومی ســـــجده ده گؤردوم
قان ایچره غمیم یوخ اوزوم اولسون سنه ساری
عشـــــقی واریدی شَـــــهریارین گللی- چیچکلی
افسوس قارا یل اســــدی خزان اولدی بهـــاری

#دعا-و-آرزویِ-این-بندۀ-خدا-برای-شما :سعادتمندی دنیا و آخرت ... سلامتی ... وسربلندی،است#همۀ-لحظه-های-زندگی-پُر-برکتتان-سرشار-از-مهر-الهی-باد-دوستان-با-محبّتم# #در-این-ایّام-و-شبهای-نورانی-دعا-گوتان-هستم# #و-ممنونم-از-شما-دوستان-عزیزم-بیائید-همدیگر-را-دعا-کنیم# #ضمن-عرض-ادب-ممنونم-از-حضور-پُر-فیضتون-و-دوستیِمون-لطفاً-ابراز-نظر-بفرمائید# #عزیزان-آرزو-دارم-زندگی-تؤأم-با-ایمان-الهی،رضایت،سلامتی #صلاح-وفلاح-و-همدلانه-داشته-باشید. #به-لطف-خدا- آشنائیتون-مغتنم-است# #دوستتون-دارم-دعایم-کنید# 

#الهی-که-سراسر-زندگیتون؛با-لطف-خدا##سالم-وصالح-و-شادمان-باشید#
ملتمس دعا؛مشاورتربیتیِ خانواده علی امیرعسجدی